پاکستان کے سوشل میڈیا صارفین نے عالمی برادری سے مطالبہ کیا ہے کہ وہ غزہ میں جاری اسرائیلی جارحیت کو رکوانے میں اپنا کردار ادا کریں۔
سوشل میڈیا صارفین کا کہنا تھا کہ غزہ میں 10 ہزار کے لگ بھگ بچے قتل کیے جاچکے ہیں، جبکہ اب بھوک اور غذائی قلت کا بھی سامنا ہے، لیکن عالمی برادری نے اس پر آنکھیں بند کررکھی ہیں۔
سوشل میڈیا پلیٹ فارم ایکس پر Stop Killing Children In Gaza ٹاپ ٹرینڈ رہا
اداکارہ مشی خان نے اپنی ٹویٹ میں ویڈیو پوسٹ کی اور لکھا میں عیسائی برادری سے کرسمس کی مبارکباد نہ دینے پر معذرت خواہ ہوں کیونکہ اس وقت غزہ میں ہمارے بچے شہید ہورہے ہیں۔
سوشل ایکٹیوسٹ شہربانو نے کہا کہ میں پاکستان کی شہر سرگودھا سے عالمی برادری سے غزہ میں جارحیت کے خاتمے کا مطالبہ کررہی ہوں
اینکر پرسن ہرمیت سنگھ نے لکھا کہ ایک جانب دنیا بھر میں بچے کرسمس کی خوشیاں منارہے ہیں، انہیں بھی مبارکباد، رب ان کی خوشیاں سلامت رکھے تو دوسری جانب غزہ کے معصوم بچے مسیحاؤں کے منتظر ہیں۔